ЭЛЧИН САЙД Ө.ЭНХТҮВШИН ОРОСЫН ЗАРИМ ЭРДЭМТЭНД “АЛТАН ГАДАС” ОДОН ГАРДУУЛАВ

0


Монгол Улсаас ОХУ-д суугаа Элчин сайд Ө.Энхтүвшин Монгол Улсын Ерөнхийлөгч У.Хүрэлсүхийн зарлигаар төрийн дээд шагнал “Алтан гадас” одонгоор шагнагдсан Монгол, Оросын хамтарсан биологийн иж бүрэн экспедицийн Оросын талын эрдэм шинжилгээний удирдагч, академич В.В.Рожнов, мөн экспедицийн Оросын талын дарга С.Н.Бажа, орлогч дарга Н.И.Дорофеюк, А.Д.Гунин, тэргүүлэх программист А.В.Андреев нарт шагналыг нь Элчин сайдын яамны төв байрны хүндэтгэлийн танхимд 2022 оны 2 дугаар сарын 22-ны өдөр гардуулав.

Элчин сайд Ө.Энхтүвшин биологийн иж бүрэн экспедицийн оросын талын тэргүүлэх оролцогчдод төрийн дээд шагнал гардуулсны дараа хэлсэн үгэндээ, тус экспидеци 53 жилийн туршид тогтвортой, тасралтгүй ажиллаж, энэ хугацаанд Монгол орны амьтан, ургамлын аймгийн зүйлийн бүрэлдэхүүнийг нарийвчлан тогтоож, биологийн олон янз байдал, байгалийн нөхцөлийн өвөрмөц онцлог, зүй тогтлыг илрүүлсэн эрдэм судлалын олон зуун боть эрдмийн бүтээлийг, тухайлбал “Монгол орны байгалийн нөхцөл, биологийн нөөц” цувралаар  66 боть, “Монгол орны шавьж” цувралаар 11 боть, “Сээр нуруутан амьтад” цувралаар 7 боть, түүнчлэн 100 гаруй нэг сэдэвт бүтээл туурвиж, нийтдээ 6,5 мянган эрдмийн бүтээл хэвлүүлж, “Монгол орны экосистемийн зураг” бүтээснийг онцлон тэмдэглэв.

Тэрээр цааш нь, экспедицийн хээрийн судалгааны ажлын дүнд тулгуурлан хоёр орны 107 эрдэмтэн докторын, 45 эрдэмтэн шинжлэх ухааны докторын зэрэг хамгаалсныг тэмдэглээд Монгол орны байгаль орчныг хамгаалах, судлах, экологийн аюулгүй байдлыг хангахад олон жилийн туршид нөр их хөдөлмөрлөж, олон арван эрдэм шинжилгээ, танин мэдэхүйн бүтээл туурвиж ирсэнд нь талархал илэрхийлэв.





Source link

0 0 санал
Мэдээг үнэлэх
Бүртгүүлэх
Мэдэгдэх
guest

0 Сэтгэгдэл байна
Шугаман санал хүсэлт
Бүх сэтгэгдлийг үзэх
0
Таны санал бодол сэтгэгдлээ бичих үү?x