Цагдаагийн алба хаагчийн аминд хүрсэн хоёр этгээдэд 13, 20 жилийн хорих ял оноов

Өнгөрөгч оны аравдугаар сард Сүхбаатар дүүргийн 15 дугаар хорооны нутаг дэвсгэрт албан үүргээ гүйцэтгэж явсан цагдаагийн алба хаагчийг машинаар чирч, амь насыг бүрэлгэсэн хэрэг гарсан. Өнөөдөр Сүхбаатар дүүргийн Эрүүгийн хэргийн анхан шатны шүүхээс уг хэргийг үйлдсэн шүүгдэгч Б.Энхбаяр, Т.Лундаа нарт холбогдох хэргийг хэлэлцээд шүүгдэгч Б.Энхбаярыг хүний амь нас хөнөөсөн, мөн залилах гэмт хэрэг үйлдсэн хэргээр 20 жил, шүүгдэгч Т.Лундаад 13 жилийн хугацаагаар хорих ял тус тус оноолоо.