Соёлын сайд Ч.Номингийн санаачилгаар Английн алдарт “Фүлхэм” клуб “Go Mongolia” брэндийг дэлхийд сурталчлахаар боллоо

0

Монгол Улсын Засгийн газраас 2023-2025 оныг “Монголд зочлох жил” болгон зарлаж “Go Mongolia” үндэсний шинэ брэндээр дамжуулан Соёлын яам холбогдох байгууллагуудтай хамтран Монгол Улсыг олон улсад сурталчлан таниулах чиглэлээр олон талт ажлыг хийж гүйцэтгэж байгаа билээ.
Энэ хүрээнд “Go Mongolia” үндэсний брэнд-Их Британийн Премьер лигийн “Фүлхэм” клубтэй хамтын ажиллагаагаа албан ёсоор эхлүүллээ.

Манай улсад өчигдөр хүрэлцэн ирсэн “Фүлхэм” клубийн хаалгач Марк Шварцертай албан ёсны хамтын ажиллагааг эхлүүлэх хэвлэлийн бага хурал өнөөдөр боллоо.
Хэвлэлийн хуралд Монгол Улсын Соёлын сайд Ч.Номин, Монголын хөлбөмбөгийн холбооны ерөнхийлөгч М.Болд болон хүндэт зочин Марк Шварцерийг дагалдан ирсэн сурталчилгаа, олон нийттэй харилцах албаны төлөөлөгчид байлцлаа.

Соёлын сайд Ч.Номин  энэ үеэр  “Энэхүү хамтын ажиллагааны хүрээнд дэлхийн хамгийн олон үзэгчтэй Премьер лигийн “Фулхэм” клуб лигийн 2024-2025 оны улирлын турш “Go Mongolia” үндэсний брэндийг албан ёсны түншээрээ зарлаж, бэлтгэлийн албан ёсны хувцас, хэрэгсэл дээрээ “Go Mongolia” үндэсний брэндийн логог байршуулж,  хамтын ажиллагаа албан ёсны цахим хуудас, нийгмийн сүлжээний сувгуудаараа сурталчилж, өөрийн талбайдаа хийх бүх тоглолтынхоо үеэр дундуур “Go Mongolia” үндэсний брэндээр дамжуулан Монгол Улсыг дэлхий даяар сурталчлах болсонд туйлын их баяртай байна” гэлээ.

Харин хүндэт зочин  Марк Шварцер  “Монголд ирэх үнэхээр сайхан байна. Танай улсын соёлын яамтай хамтран ажиллах болсондоо талархалтай байна. Бидний хамтын ажиллагааны хүрээнд бид 2024 оны шинэ улиралд бид бүхэн танай улсын Үндэсний брэндинг “Go Mongolia”-тай хамтран ажиллах болсондоо баяртай байна. Цаашлаад бид мэргэжлийн хөлбөмбөгийн тамирчдыг Монголоос бэлдэх бөгөөд Фүлхэм клубийн албан ёсны клубийг Монгол Улсад нээх болсныг дуулгахад таатай байна“ гэлээ.

Дэлхий дахинаа 3.2 тэрбум хүн шимтэн үздэг Премьер лигийн “Фүлхэм” клуб нь 24500 суудалтай стадионтой. Тус хөлбөмбөгийн багаар дамжуулан жилд дунджаар 2780 цагийн турш өөрсдийн үндэсний брэндингээр дамжуулан улсаа сурталчлах хамтын ажиллагаа ийнхүү эхэллээ.

Түүнчлэн “EA SPORT”-ийн “FIFA” видео тоглоомоор дамжуулан 22 сая хүнд, талбайн лед дэлгэцээр 10.2 сая хүнд “Go Mongolia” брэндингээ сурталчлах боломж үүсэж байна.

0 0 санал
Мэдээг үнэлэх
Бүртгүүлэх
Мэдэгдэх
guest

0 Сэтгэгдэл байна
Шугаман санал хүсэлт
Бүх сэтгэгдлийг үзэх
0
Таны санал бодол сэтгэгдлээ бичих үү?x