Монголд цахилгаан ба нарны эрчим хүч хавсарсан машиныг танилцуулна

1

Монгол хүний оюун санаа, инновацид түшиглэсэн анхны цахилгаан машиныг танилцуулах арга хэмжээгээ Барс Моторс компанийн дэргэдэх Барс Электрик компани энэ оны хоёрдугаар сарын 26-ны 16:30 цагт зохион байгуулах гэж байна.

Барс Моторс компанийн анхны автомашины төсөл “MOZO” -г гурван жилийн өмнө Монголд танилцуулж байсан бөгөөд, тус машин Монголын хатуу ширүүн нөхцөлд амжилттай туршигдаж батлагдсан учир зах зээлд нээлттэй борлуулж байгаа. Энэ удаад цахилгаан машины шинэ шугамыг Барс Моторс компани нь Монгол дахь үйлдвэртээ нэмж, хөгжүүлэлт угсралтын ажлуудаа эрчтэй хурдтай хийж байгаа билээ

Хүйтэн сэрүүн цаг агаар зонхилсон Монгол оронд цахилгаан машиныг нутагшуулахад зориулан Барс Моторс компани хөгжүүлэлтээ өнгөрсөн хугацаанд чиглүүлж иржээ. Тиймээс Монголын ирээдүйн эрчим хүчний нөөц, хомсдлыг тооцож үзээд, сэргээгдэх эрчим хүчтэй хавсарч тэжээгддэг машин хамгийн тохиромжтой гэж үзээд энэхүү инновацилаг шийдлийг гаргаж ирээд байна.

102 км/цагийн хурдтай энэхүү машин нь гэрийн нөхцөлд 220В цахилгааны хүчин чадлаар 8-9 цаг цэнэглэх бол 380В хүчин чадлаар ердөө 40 минутад цэнэглэнэ. Машины дотор хэсгийн тухайлбал, суудлын халаалтыг дээвэрт байрлах нарны эрчим хүч хураагуураар цэнэглэж ажиллуулах юм. Ингэснээр, цахилгаан хөдөлгүүрийн цэнэг хуваагдаж тарахгүй ба зөвхөн зам дээр явах үед л хэрэглэгдэж, нэг цэнэглэлтээр бүрэн 300 км зайг туулах боломжтой. Дөрвөн хүний суудалтай, дунд оврын жийп машинтай адил газраас харьцангуй өндөр энэхүү цахилгааны машины загварыг олон нийтэд харуулж, дэлгэрэнгүй танилцуулах гэж байна.

Шавхагдашгүй нөөц болох сэргээгдэх эрчим хүчээр тэжээгддэг автомашин бол Монголд хамгийн тохиромжтой шийдэл. Учир нь, Монголд бараг өдөр бүр буюу 260 гаруй хоног цэлмэг нартай байдаг. Монгол Улсын үндэсний бүтээгчид дэлхийн хөгжлийн чиг хандлагатай зэрэгцэж байгаа. Цаашлаад зарим хөгжүүлэлтээр олон улсад жишиг болохоор байна.

0 0 санал
Мэдээг үнэлэх
Бүртгүүлэх
Мэдэгдэх
guest

1 Сэтгэгдэл
Хамгийн сүүлийн үеийн
Хуучнаас Хамгийн олон санал өгсөн
Шугаман санал хүсэлт
Бүх сэтгэгдлийг үзэх
чимэд
чимэд
2 жилийн өмнө

Хятадын тал юу гэж мэдэгдэж байгаа вэ.Газыг монголоор дайруулах нь зөв гэж яригдсан уу СИ ЖИНЬ ПИН агуу ухаантай хир баргийн хэл аманд элдвийг бодохгүй,аль болохоор амгалан тайван сайн хөршийн харилцаатай амьдрах нь зөв гэж үздэг хүн байна. Манай зарим ойворгон нөхдүүд элдвээр донгосож ямаан дээр тэмээний гарз гаргаж мэдэх явдал бий

1
0
Таны санал бодол сэтгэгдлээ бичих үү?x