ДЭМБ-ын Дархлаажуулалтын зөвлөлийн гишүүний илтгэлийг сонсов | Мэдээллийн дэлгэрэнгүй

0

Коронаривируст халдвар /ковид19/ –ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуулийн хүрээнд Дархлаажуулалтын тухай хуулийн хэрэгжилтэд хяналт тавих, хамтран ажиллах чиг үүрэг бүхий ажлын хэсгийн хурал өнөөдөр /2022.02.10/  боллоо. Өнөөдрийн хурлаар ДЭМБын Дархлаажуулалтын зөвлөлийн  ковидын ажлын хэсгийн гишүүн, профессор Ким Мулхолландын илтгэлийн сонсов.

УИХ-ын гишүүн, ажлын хэсгийн ахлагч Ж.Чинбүрэн, Эрүүл мэндийн яам, Нийтийн эрүүл мэндийн газар, ХӨСҮТ-ийн дархлаажуулалтын алба, НЭМҮТ, Эм, эмнэлгийн хэрэгслийн хяналт, зохицуулалтын газрын албаны хүмүүс оролцов.

УИХ-ын гишүүн, ажлын хэсгийн ахлагч Ж.Чинбүрэн ковидын халдвар гарсны дараа иргэдэд вакцины талаарх зөв ойлголт, хандлагыг төрүүлэх чухал байсан. Үүн дээр мэргэжлийн байгууллагууд, ажлын хэсэг хамтран сайн ажилласан. Мөн ажлын хэсэг дархлаажуулалтын явцад дүүрэг, аймгуудын дархлаажуулалтын явцтай танилцаж тодорхой зөвлөмж өгч, вакцин хийж буй ажилтанд хатгалт болгонд урамшуулал бодох, шинжилгээ авахад ажлын хөлс тооцдог байх хүсэлт тавьсны дагуу  Засгийн газар, Шадар сайд энэ асуудлыг анхаарч шийдвэрлэж ажилласан гэдгийг онцлов.

 ДЭМБын Дархлаажуулалтын зөвлөлийн  ковидын ажлын хэсгийн гишүүн, профессор Ким Мулхолландын илтгэлтэй холбоотойгоор оролцогчид асуулт асууж, хариулт авав хэмээн УИХ-ын Хэвлэл мэдээлэл, олон нийттэй харилцах хэлтсээс мэдээлэв.





УИХ

0 0 санал
Мэдээг үнэлэх
guest
0 Сэтгэгдэл байна
Шугаман санал хүсэлт
Бүх сэтгэгдлийг үзэх
0
Таны санал бодол сэтгэгдлээ бичих үү?x
()
x